Məşhur qulaqlıqların üstün və zəif cəhətləri

Müasir dövrdə istifadəçilərin başqa cihaz və avadanlıqlardan olduğu kimi, qulaqlıqlardan olan gözləntiləri də artmaqdadır. Nəticədə, qulaqlıq istehsalçıları səs keyfiyyəti, rahat və xoş dizayn, texniki göstəricilər və rahat daşınıla bilərlik kimi bir çox kriteriyada bir-biri ilə rəqabətə girərək daha üstün məhsullar istehsal etməyə çalışır. Aşağıdakı siyahıda bazarda mövcud olan məşhur istehsalçı şirkətlərin dörd fərqli qulaqlığı haqqında qısa icmalı təqdim edirik:

Apple Airpods

Müsbət: İkinci nəsil AirPodlar əvvəlki modelə bəzi kiçik ancaq vacib dəyişikliklər etmişdir. Bunların arasında davamlı aktiv olan səs-tanıma və wireless (kabelsiz) şarj olunma funksiyaları da var. Yeni AirPods həm ev, ofis, həm də çöl şəraitində zənglər üçün ən ideal versiyalardan biridir. Apple-in yeni H1 çipləri AirPods-a digər Apple cihazlarına daha sürətli qoşulmağa, etibarlı wireless (kabelsiz) əlaqə qurmağa və bir saat artıq danışıq vaxtına imkan verir.

Mənfi: Qulaqlıqların qulağa daha rahat və təhlükəsiz “oturması” üçün heç bir dizayn dəyişikliyi edilməmişdir. Həmçinin, səs keyfiyyəti əvvəlki versiyaya nisbətən yüksəldilməmiş və qulaqlıqların dizaynı kənar səslərin müəyyən qədər qulağa daxil olaraq dinləmənin keyfiyyətini azaltmasına səbəb olur.

Nəticə: Yeni AirPods özündən əvvəlki kifayət qədər mükəmməl wireless (kabelsiz) qulaqlığa müəyən dəyişikliklərin edildiyi yeni versiyadır və səs keyfiyyəti və dizayn demək olar ki, eynidir.

Apple şirkətinin tarixində bu tipli təcrübələrə, yəni özlüyündə uğurlu olan hər hansı bir modeli (iPhone, AirPods və s.) götürərək xarici göstəricilərinə kiçik dəyişiklik edərək, əsasəs daxili funksiyaların inkişaf etdirilməsinə rast gəlmək olar. Beləliklə də Apple hər hansı bir modeli inkişaf etdirməklə kifayətlənib onu fundamental olaraq dəyişmir.
Ancaq qeyd etməliyik ki, yeni AirPods-da daim aktiv “Siri”, Bluetooth 5.0 dəstəkləyən H1 çip kimi yenilikləri bir çox istifadəçi müsbət qarşılamışdır.

 

Beats Powerbeats 2

Müsbət: Qulaq daxilində yerləşən wireless (kabelsiz) Powerbeats 2 tərkeçirməzdir və keyfiyyətli səs vəd edir. Qulaqcıqların qulağa tamamilə möhkəm (etibarlı) “oturması” isə sizə rahat şəkildə idmanla məşğul olmağa imkan verəcəkdir

Mənfi: Cihazınızla əlaqə bitdikdə avtomatik olaraq əlaqə kəsilmir; digər oxşar qulaqlıqlarla müqayisədə daha bahadır və batareya ömrü (enerji saxlama müddəti) daha yaxşı ola bilərdi.

Nəticə: Nisbətən daha baha olmasına baxmayaraq Powerbeats 2 ən yaxşı wireless (kabelsiz) idman qulaqlıqları arasında yer alır.

Anker Soundcore Liberty Air

Müsbət: Ankerin Liberty Air qulaqlıqlarını demək olar ki, AirPods-un yarı qiymətinə ala bilərsiniz və səs keyfiyyəti AirPods-la eynidir. Bu qulaqlıqlar keyfiyyətli wireless (kabelsiz) performansa, 5 saat batareya ömrünə və kompakt adapterə malikdir.

Mənfi: Adapter USB-C yox, Micro-USB ilə işləyir. Əgər qulaqlıq qulağınıza yaxşı “oturmazsa”, səs keyfiyyəti yüksək olmayacaqdır.

Nəticə: Siz kənar səslərin qarşısını alan dizyanla maraqlanırsınızsa, bu model AirPods-dan daha ucuz olan uyğun bir seçimdir.

İlk baxışda Liberty Air və Airpods oxşar görünür. Fərq isə ondadır ki, Liberty Air səs önləyici silicon başlıqlarla təchiz olunmuşdur və kənar səsləri önləyir. AirPods-un dizaynı isə kənar səslərin qulağa qaçmasına imkan verir.

Beats Studio 3 Wireless

Müsbət: Beats Studio3 Wireless əvvəlki nəsildə olan təsiredici və xoş dizaynı saxlamaqla, daha üstün səs keyfiyyəti, kənar səsləri önləmə funksiyası və daha uzun batareya ömrü təklif edir. Apple-in W1 çipi bu qulaqlıqlara digər Apple cihazlarına çox asanlıqla qoşulmağa imkan verir. Telefon zəngləri üçün bir qulaqlıq olaraq kifayət qədər yaxşı performansa sahibdir və səs keyfiyyətində rəqib markalara qarşı uğurlu hesab oluna bilər.

Mənfi: Dizayn əvvəlki modellə eynidir. Rahat formada qatlana bilmir və qutusu rahat daşımaq üçün bir az iridir.

Nəticə: Beats, keyfiyyətli wireless (kabelsiz) və səs önləyici əvvəlki nəsil qulaqlıqları götürüb inkişaf etdirmiş və bu yeni modeli təqdim etmişdir.