Ən böyük markalardan ən yaxşı telefonlar

Kabelsiz şarj oluna bilən və AMOLED ekranlı telefonlardan, barmaq izi sensorlu və daha uzun batareya ömrünə malik telefonlara qədər, hələ indiyədək bu qədər geniş smartfon seçimimiz olmamışdı. Yeni ilin (və yeni on illiyin) başlanğıcında Apple, Samsung, Google və başqa markaların smartfon təkliflərinə nəzər salmaq maraqlı olar.

Aşağıdakı siyahıda ən önə çıxan bir neçə modeli funksiyaları ilə bərabər sizin üçün təqdim edirik:

Apple iPhone 11

iPhone 11, yəqin ki, Apple şirkətinin istehsal etdiyi ən üstün smartfonlardan biridir. Bu model yüksək keyfiyyətə malik “Gecə Modu”na malikdir və ultra-geniş bucaqlı kamera şəkillərə əlavə dərinlik qazandırır. Video çəkilişləri də fantastik adlandıra bilərik! iPhone 11, həmçinin, ən son və ən sürətli Apple prosessorları ilə təchiz olunmuşdur ki, bu da ona indiyədək hazırlanmış ən sürətli iPhone-lar arasında olma imkanı verir. Ancaq nəzərə almalısınız ki, iPhone 11 modelində qulaqlıq girişi yoxdur və wireless (kabelsiz) qulaqlıqlar üçün əlavə pul xərcləməlisiniz. Həmçinin, bu modeldə barmaq izi sensoru da yoxdur və ekran kilidinin açılması Face ID (Üz tanınması) funksiyası ilə baş verir.

Samsung Galaxy Note 10 Plus

Yenilənmiş və bir çox funksiyalara malik Note 10 Plus smartfonu rəqib smartfonlarla aradakı fərqi aradan qaldırmışdır. Bu, ən yüksək texnologiyalı smartfon ən üstün Android məhsulu istəyən insanlar üçün hazırlanmışdır. Bu modelin 6.8 düym ekranı, tam gün batereya ömrü, wireless (kabelsiz) şarj olunma funksiyası və əla kamera özəllikləri var. Smartfon, həmçinin, 1.5 metrə kimi dərinlikdə 30 dəqiqə su keçirməzlik özəlliyinə sahibdir.

Apple iPhone XR

Buraxılışından bir il sonra hələ də bu modeli fantastik bir seçim adlandırmaq olar. Bu smartfon sürətlidir və parlaq və rəngarəng ekrana sahibdir. Arxa kamerada telephoto linzası (uzaq məsafədən çəkiliş üçün) olmasa da, ön selfi kamerası yüksək keyfiyyətli selfilər çəkməyinizə imkan verəcək (Instagram sevərlər üçün xüsusilə vacib..)

Apple iPhone 8

“Ana səhifə” düyməsi olan ən yaxşı iPhone.
iPhone 8 və iPhone 8 Plus Apple şirkətinin son bir neçə modeli arasında “Ana səhifə” düyməsi olan yeganə modelləridir. Smartfonunuzda ana səhifəyə getmək üçün hər dəfə ekrana toxunmağı xoşlamırsınızsa və bununla yanaşı keyfiyyətli kameraya və barmaq izi sensoruna malik, su keçirməz smartfon arzulayırsızsa, iPhone 8 əsl sizin üçün seçimdir. Ancaq diqqət etməli olduğunuz bir məsələ də bu modelin o qədər də uzun müddət enerji saxlamamasıdır.

OnePlus 7 Pro

Dövrümüzdə smartfonlar selfi kameraları, barmaq izi sensorları, bir neçə arxa kamera və s. kimi özəlliklər əlavə etməklə bir-biri ilə yarışırlar. OnePlus 7 Pro, istifadəçiləri “tamahlandıracaq” bütün bu funksiyalara sahibdir. Öz göstəriciləri ilə rəqib smartfonlardan geri qalmamaqla yanaşı, qiymətinin də rəqabətcil olması bu modeli 2020-ci ildə ən uyğun seçimlərdən biri edir.

Samsung Galaxy S10E

Kiçik, güclü və hər manatınıza dəyəcək seçim!
Galaxy S10 ailəsində ən “Büdcə dostu” modellərdən biri olan Galaxy S10E sizə bir çox özəlliklər təklif edir. Nisbətən kiçik ölçüsü ilə daha kiçik əşyaları daşıyaraq daha rahat olmağı sevənlər üçün bu model idealdır. Bundan əlavə, Galaxy S10E çox sürətli Snapdragon 855 çipinə sahibdir və uzun müddətli batareya ömrü ilə fərqlənir. Wireless (kabelsiz) olaraq şarj oluna bilməklə yanaşı, bu smartfon digər cihazları da eyni qaydada şarj edə bilir. Həmçinin, barmaq izi sensoruna və fantastik AMOLED ekrana sahibdir.

Google Pixel 3A

Eyni kamera ilə daha ucuz Pixel 3

Əgər Pixel XL smartfonunuz var və daha üstün bir versiyaya dəyişmək istəyirsinizsə, sizin axtardığınız Pixel 3A-dır. Bu model əvvəlki Pixel 3 modelinin sukeçirməzlik, wireless (kabelsiz) şarj olunma  kimi özəlliklərini təklif etmir və daxili yaddaş yalnız 64 GB-dir. Əvəzində isə, Pixel 3A modeli qulaqlıq girişi əlavə etmiş və qaranlıqda əla şəkil çəkə bilən “Night Sight” modunu saxlamışdır (gündüz çəkilən şəkillər də yüksək keyfiyyətlidir). OLED ekranı mükəmməl adlandıra bilərik və bu smartfon əla batareya ömrünə malikdir.